Þeir sem hafa velt því fyrir sér hvers vegna ekkert gerist á þessari síðu geta nú andað léttar þar sem REKI er fluttur um set á veraldarvefnum og kominn á slóðina;

http://reki.fsha.is

Kær kveðja

Stjórnin

Jæja þá eru komnar inn myndir frá því á laugardaginn. Þannig að þið sem fóruð getið rifjað upp þessa snilldar ferð og þið hin séð af hverju þið voruð að missa.

Ef að það eru einhverjir fleiri sem eiga myndir endilega látið okkur vita.

over and out

Linkurinn er hérna til hliðar.

Þá er skráningu lokið í ferðina og eftirtaldir skráðu sig:
Birkir, Lúlli, Árni, Héðinn, Einar, Baldvin, Rakel, Gústi, Sara, Sunna, Helga, Ási +1, Auður, Stefán, Elías, Erla, Linda, Víðir.
Þetta gerir samtals 19 manns og ef einhver sem skráðir eru hér fyrir ofan en ætla ekki að fara eru þeir vinsamlegast beðnir um að hafa samband sem fyrts!!
Takk fyrir góða skráningu og sjáumst hress!!
Kv. stjórnin.

 

Í tilefni þess að Reka-krúsidúllurnar á þriðja ári eru að syngja svanasöng sinn í Háskólanum á Akureyri þá hafa þeir nemendur sem eftir eru ákveðið að kveðja þau með viðeigandi hætti á efri hæð Kaffi Amour næstkomandi laugardag kl. 22:00. Tilboð verða í gangi á barnum allt kvöldið og að auki býður Reki upp á frían bjór úr (labba)kútnum meðan vörubirgðir endast (gefum skít í öryggisbirgðirnar).

Allir eru hvattir til að mæta og kveðja útskriftarnemana með stæl!! Þeir eiga það svo sannarlega skilið.

Með próflokakveðju

Stjórn Reka.

ps. Skráning fyrir áður auglýsta próflokadjammferð eru enn í fullum gangi hér í færslunni fyrir neðan og eru allir hvattir til að skrá sig.

LAUGARDAGURINN 13. maí 2006!!!
Eftir dágott stjórnleysi undanfarið er ný stjórn tekin við hjá viðskiptadeild Reka. Þar sem nú líður að próflokum er fyrirhugað að skella aftur á dagskrá dekurferð sem frestað var eftirminnilega hér á dögunum þrátt fyrir metskráningu. Meiningin er að gera þetta að próflokadekurdjammferð og er áætlunin eftirfarandi:

14:00 Brottför með rútu frá HA við Sólborg.

Jarðböðin við Mývatn

Skoðunarferð í Vogafjósið

Grill og sprell á tjaldsvæðinu Bjargi við Mývatn

Um kl. 21:00 Heimkoma til Akureyrar.

Allir að mæta svo á Amour þar sem við verðum með kút og þau ætla að vera með einhver tilboð á barnum.

Ferðin er ÓKEYPIS!!!

Eftir heimkomu gefst fólki tími til að gera sig fínt (fínna) áður en sameiginlegt djamm hefst. Þótt fólk fari ekki í ferðina er því að sjálfssögðu velkomið að taka þátt í sameiginlega djamminu.

Skráning í ferðina er í commentin hér, og er fólk eindregið hvatt til að skrá sig. Deadline í skráningar er kl. 12:00 (hádegi) á föstudaginn 12. maí!!!.

Kærar kveðjur
Ný stjórn Reka.

kv. Stjórnin

Dekurferð 2006.

Sunnudagur 23. apríl
Brottför kl. 15:00
Heimkoma kl. 20:00

Viðkomustaðir: Jarðböðin og dýrindis veitingastaður við Mývatn
Kostnaður: ENGINN

Skránin hér í commentin.
Deadline er fimmtudagurinn 20.apríl kl. 23:55

Bestu kveðjur
Stjórnin

Jæja þá er páskarnir búnir og færri dagar eru í prófin.
Rétt fyrir páskafrí var aðalfundur þar sem ný stjórn var kosin.
Mæting var gríðarleg og stemningin rosaleg.
Ný stjórn er þá svona:

Formaður: Rake Ýr (1.ár)
Ritari: Lúlli (1.ár)
Gjaldkeri: Einar (1.ár)
Meðstj.: Birkir (1.ár)
Meðstj.: Nýnemi á haustönn 2006

Það er vonandi að þessir hressu stuðboltar komi til með að gera góða og betri hluti á komandi námsári.

Til hamingju Ísland!

Í umræðunni er að fara í dekurferð svona rétt fyrir próf.

Sunnudagurinn 23.apríl er skotmarkið. Hugmyndin var að leggja af stað upp úr háddegi og taka stefnuna á Húsavík. Þar á að kíkja á nokkur tippi á reðursafninu áður en haldið verður á Mývatn í jarðböðin. Þar er ætlunin að slaka vel á og jafnvel fá sér ís og einn kaldann ofaní. Eftir það væri svo gaman að fara út að borða einhverstaðar í nágreninu.
Heimkoma væri einhverstaðar um og yfir kvöldmat. Þetta yrði að sjálfsögðu í boði REKA.

Þetta verður þó ekki gert nema með lágmarksþáttöku 20 manns. Þeir sem hafa áhuga á að koma með okkur eru beðnir um að skrá sig hér í commentum.

kveðja

Stjórnin

Aðalfundur REKA var haldinn í gær

og þökkum við þeim sem sáu sér fært að mæta kærlega fyrir skemmtilega kvöldstund

Ný stórn hefur verið kosin

Rakel Ýr Sigurðardóttir, formaður

Einar Hafliðason, gjaldkeri

Lúðvík Freyr Sæmundsson, ritari

Birkir Örn Stefánsson, meðstjórnandi

 

Fráfarandi stjórn óskar þeim velfarnaðar á komandi stjórnartímabili.

Þá fer að líða að lokum þessa skólaárs og eins og lög gera ráð fyrir þurfum við að halda aðalfund REKA. Hann verður sem hér segir:


Dagskrá;

Venjuleg aðalfundarstörf. (Skýrsla stjórnar, ársreikningur og kosning nýrrar stjórnar)

Þeir sem hafa áhuga á að starfa í nýrri stjórn á næsta ári eru beðnir um að hafa samband við stjórn. Kjósa þarf í allar stöður

kv. Stjórnin

Næstkomandi fimtudagskvöld verður fyrirlestur í Landsbankanum um stöðu og horfur á fjármálamörkuðum og hvaða fjárfestingarkostir henta þér.

Fyrirlesturinn verður haldin í útibúi Landsbankans kl 20:00
Skráning á fyrirlesturinn fer fram á www.landsbanki.is eða
 í þjónustuveri bankans í síma 410-4000

Heil og sæl öll sömul!!!

Á föstudaginn er aðalfundur FSHA og ætlum við auðvitað öll að mæta. Þar sem það er svo langt síðan við höfum gert eitthvað saman ætlum við að halda smá teiti áður. Húsmóðirin að Munkaþverárstræti 18  í kjallaranum ætlar að bjóða okkur heim og hver veit nema að hún lumi kannski á góðum veitingum. Teitið mun byrja klukkan 18 og eftir það verður svo farið á aðalfundinn í Oddfellow.

Eftir aðalfundinn stendur svo FSHA fyrir sveitarballi og verða rútur sem munu ferja fólkið á milli. Það kostar litlar 500 kr. bæði í rútuna og á ballið.

Vonumst til að sjá sem flesta.

Jæja þá er verið að spá í að fara í dekurferð rétt áður en að prófin byrja.

Við erum að spá í að fara í jarðböðin í Mývatnssveit og láta stressið líða úr okkur, svo förum við og fáum okkur eitthvað gott að borða og hver er ekki til í að skella sér svo í partý á eftir.

Við erum að spá í að fara laugardaginn 22 apríl, hvernig lýst mannskapnum á það? endilega látið heyra í ykkur.

Nú eru aðeins þrír dagar í árshátíðina og undirbúningur í fullum gangi

Miðaverð er 3500 kr og búið er að senda nánari upplýsingar á alla nemendur um miðasölu o.fl. Gleðin verður haldin í Sjallanum og byrjar með fordrykk kl. 19:00. Borðhald hefst svo stundvíslega kl. 20:00.

Veislustjóri verður Þorsteinn Guðmundsson og mun hann halda okkur léttum á meðan við gæðum okkur á dýrindis veigum og horfum á skemmtiatriði. Upp úr miðnætti munu þeir Jónsi og félagar Í Svörtum Fötum trylla lýðinn eins og þeim einum er lagið.

Matseðillinn ljúffengi er sem hér segir:

Forréttur

Ljúffeng laxaþrenna með basilikubrauði

Aðalréttur

Kjöttvenna: Kjúklingabringur og lambabuffsteik með fylltum tómat, gljáðu grænmeti og villisveppasósu

Eftirréttur

Jökultoppur með ferskum ávöxtum, regnbogasósu og súkkulaðistrimlum.

 Þemað er mafían og mun hinn íslenski ,,Godfather” stíga á svið.

 Smellið ykkur í mafíufötin, ballskóna og með vindilinn milli varanna og sjáumst hress og kát á Sjallanum á laugardaginn!!